Noon,Ngayon at Bukas

Sa panahon ngayon maraming mga gamit ang nag-uusbongan na siyang nagiging dahilan kung bakit napapadali ang mga gawain. Iba't ibang kagamitan na nagpapatiwasay sa buhay ng tao. Mga nakagawiang kultura noon ay napapalitan ng bago ngayon at sa susunod pang henerasyon. Ano nga ba ang dahilan ng mga pagbabagong ito? Saan nga ba nagsimula ang lahat?

Narito ang dahilan at babaliktanawin natin ang nakaraan.

         Noong unang panahon ang ginagawa ng ating mga ninuno sa paggawa ng mga bagay-bagay ay mano-manu lamang at naging maganda naman ang kalalabasan nito. Ang kanilang mga ginagamit na mga teknolohiya ay talaga namang patok sa kanilang panahon gaya na lamang ng radyo, telebisyon na black and white at type writer. Ang mga teknolohiya sa panahon ngayon ay nag-uusbungan na kung saan tinutulungan ang mga tao na padaliin ang mga gawain. Meron ng mga gadgets at internet na isang pindot mo lang ay lalabas na ang iyong hinahanap. Hindi na kailangan pumunta pa sa silid aklatan buong hapun para lang maghanap ng mga bagay-bagay.

      

               Noon ang tanging sanggunian ng mga mag-aaral ay ang silid aklatan. Maglalaan sila ng matagal na oras para sa paghahanap ng impormasyon. Noon ang ginagamit sa pagtuturo ay ang yeso at pisara upang matuto lamang ang mga mag-aaral. Ngayon sa pagtuturo naman kalimitan na lang ginagamit ang yeso at pisara dahil nandiyan na ang laptop at projector na magsisilbing kagamitan sa paglalahad ng paksa.

.

             Ang mga kabataan noon ay nagmamano sa mga nakatatanda at nagsasabing Po at Opo. Kung may bisita naman sa kanilang bahay at naging pasaway sila ay pinanlalakihan lamang sila ng mga mata ng kanilang magulang hudyat para sila ay huwag maingay. Ngayon Sa mga kabataan ngayon bihira na lamang ang nagsasabing po at opo. Pagdating naman sa pagiging pasaway hindi na epektibo ang panlalaki ng mga mata dahil panlalakihan ka na rin ng mga mata nila. Lulong na rin ang mga kabataan sa mga teknolohiya ngayon na siyang pinakaproblema ng lahat ng mga magulang sapagkat hindi na nila kontrolado ang bawat kilos ng mga kabataan.

        Kung sa panahon ngayon ganito na ang mga gamit, kabataan at ang kultura ay ano pa kaya sa susunod pa na mga taon. Mas magiging adik na ang mga kabataan sa sinasabing teknolohiya dahil sa mga panibagong umuusbong kasabay ng paglipas ng panahon.

photo Credit : Google.com